ലഖ്നൗ: ഏക സിവില് കോഡിന് തങ്ങള് എതിരല്ലെന്ന് ബിഎസ്പി അധ്യക്ഷ മായാവതി. എന്നാല്, അത് നടപ്പിലാക്കാന് ശ്രമിക്കുന്ന ബിജെപിയുടെ രീതിയെ പിന്തുണയ്ക്കുന്നില്ലെന്നും മായാവതി പറഞ്ഞു. 'ഏക സിവില് കോഡ് നടപ്പാക്കുന്നതിന് ഞങ്ങളുടെ പാര്ട്ടി എതിരല്ല. എന്നാല് അത് നടപ്പിലാക്കാന് ശ്രമിക്കുന്ന ബിജെപിയുടെ രീതിയെ പിന്തുണയ്ക്കുന്നില്ല. വിഷയത്തെ രാഷ്ട്രീയവത്കരിക്കുകയും നിര്ബന്ധിച്ച് നടപ്പിലാക്കാന് ശ്രമുക്കുന്നതും ശരിയല്ല'-മായാവതി പറഞ്ഞു.
ഏക സിവില് കോഡ് നടപ്പിലാക്കുന്നത് രാജ്യത്തെ ശക്തിപ്പെടുത്തുകയും ഇന്ത്യക്കാരെ ഒന്നിപ്പിക്കുകയും ചെയ്യും. അത് ജനങ്ങള്ക്കിടയില് സാഹോദര്യബോധം വളര്ത്തുകയും ചെയ്യും. പക്ഷേ, അടിച്ചേല്പ്പിക്കുന്നത് ശരിയല്ല. വിഷയത്തെ രാഷ്ട്രീയവത്കരിക്കുന്നത് പ്രശ്നങ്ങള് സൃഷ്ടിക്കും. പണപ്പെരുപ്പം, തൊഴിലില്ലായ്മ, വിദ്യാഭ്യാസം, ആരോഗ്യം തുടങ്ങിയ വിഷയങ്ങളിലാണ് സര്ക്കാര് നിലവില് ശ്രദ്ധ കേന്ദ്രീകരിക്കേണ്ടതെന്നും മായാവതി കൂട്ടിച്ചേര്ത്തു.
പാര്ലമെന്റിന്റെ വര്ഷകാല സമ്മേളനത്തില് ഏകീകൃത സിവില് കോഡ് നടപ്പാക്കുന്നത് സംബന്ധിച്ച ബില് സര്ക്കാര് അവതരിപ്പിച്ചേക്കും എന്നാണ് റിപ്പോര്ട്ട്.
ഈ വാർത്ത കൂടി വായിക്കൂ 'ക്ഷേത്രവും ദര്ഗയും നിര്മ്മിച്ചത് റോഡ് കയ്യേറി'; പൊളിച്ചുമാറ്റി ഡല്ഹി പൊതുമരാമത്ത് വകുപ്പ് (വീഡിയോ)
സമകാലിക മലയാളം ഇപ്പോൾ വാട്സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates