ബംഗളൂരു: സംസ്ഥാനത്ത് കോവിഡ് വ്യാപനം രൂക്ഷമായി തുടരുമ്പോഴും മാസ്‌ക് ധരിക്കാന്‍ വിസമ്മതിച്ച് മന്ത്രിമാര്‍. ഇന്ന് ഒരു ചടങ്ങിനെത്തിയ കര്‍ണാടക മന്ത്രി ഉമേഷ് കാട്ടി മാസ്‌ക് ധരിക്കാന്‍ തയ്യാറായില്ല. 

ഇതിനെ കുറിച്ച് മാധ്യമപ്രവര്‍ത്തകര്‍ ചോദിച്ചപ്പോള്‍ മാസ്‌ക് ധരിക്കുന്നതുമായി ബന്ധപ്പെട്ട് നിയന്ത്രണമില്ലെന്ന് പ്രധാനമന്ത്രി പറഞ്ഞിട്ടുണ്ടെന്ന് മന്ത്രി പറഞ്ഞു. മാസ്‌ക് ധരിക്കണമോ, വേണ്ടയോ എന്നത് വ്യക്തിഗതമായ തീരുമാനമാണ്. മാസ്‌ക് ധരിക്കണമെന്ന് എനിക്ക് തോന്നുന്നില്ല. അതിനാല്‍ താന്‍ മാസ്‌ക് ധരിക്കുന്നില്ലെന്നും അദ്ദേഹം പറഞ്ഞു.

ഉമേഷ് കട്ടി കര്‍ണാടകയിലെ ബിജെപി നേതാവും ഭക്ഷ്യ-സിവില്‍ സപ്ലൈസ്, വനം മന്ത്രി കൂടിയാണ്. ഇന്ന് രാജ്യത്ത് റിപ്പോര്‍ട്ട് ചെയ്ത കേസുകളില്‍ ഏറ്റവും കൂടുതല്‍ പേര്‍ കര്‍ണാടകയിലാണ്. 41,000ലധികമാണ് രോഗികള്‍.