ന്യൂഡല്‍ഹി: നോട്ട് നിരോധനത്തിന്റെ നാലാം വാര്‍ഷികത്തില്‍ മുന്‍ തീരുമാനത്തെ ന്യായീകരിച്ച് പ്രധാനമന്ത്രി നരേന്ദ്ര മോദി. നോട്ട് നിരോധനം കാരണം രാജ്യത്ത് കള്ളപ്പണം കുറയ്ക്കാനായെന്ന് അദ്ദേഹം പറഞ്ഞു. നികുതി നടപടികള്‍ കൂടുതല്‍ സുതാര്യമാക്കി രാജ്യത്തിന്റെ പുരോഗതിക്കും നോട്ട് നിരോധനം ഏറെ സഹായകരമായെന്നും പ്രധാനമന്ത്രി പറഞ്ഞു.

അതേസമയം, നോട്ട് നിരോധനത്തിന് എതിരായ തന്റെ നിലപാട് ആവര്‍ത്തിച്ച് കോണ്‍ഗ്രസ് നേതാവ് രാഹുല്‍ ഗാന്ധി രംഗത്തെത്തി. നോട്ട് നിരോോധനം കാരണം നേട്ടമുണ്ടാക്കിയത് മോദിയുടെ വേണ്ടപ്പെട്ടവര്‍ മാത്രമാണെന്ന് അദ്ദേഹം ആരോപിച്ചു. 

വായ്പ്പാ തിരിച്ചടവില്‍ വന്‍തുക വീഴ്ച് വരുത്തിയ മോദിയുടെ സുഹൃത്തുക്കളായ കോര്‍പ്പറേറ്റുകളുടെ കുടിശ്ശിക എഴുതിത്തള്ളുക എന്നതായിരുന്നു നോട്ട് നിരോധനത്തിന്റെ പ്രധാന ലക്ഷ്യമെന്ന് രാഹുല്‍ ആരോപിച്ചു.