ജയ്പൂര്‍: മുഖ്യമന്ത്രി അശോക്  ഗെഹ്‌ലോട്ടിന്റെ അടുത്തയാളെന്ന് അറിയിപ്പെടുന്ന രാജസ്ഥാന്‍ എംഎല്‍എ ഗണേഷ് ഗോഗ്ര രാജിവച്ചു. പാര്‍ട്ടി നേതൃത്വത്തിന്റെ അവഗണനയെ തുടര്‍ന്നാണ് രാജിയെന്ന് കോണ്‍ഗ്രസ് എംഎല്‍എ പറഞ്ഞു.

താന്‍ ജനകീയ പ്രശ്‌നങ്ങള്‍ ഉന്നയിക്കുമ്പോള്‍ ഭരണകൂടം കേള്‍ക്കാന്‍ തയ്യാറാവുന്നില്ലെന്ന് സ്പീക്കര്‍ക്കും മുഖ്യമന്ത്രിക്കും കോണ്‍ഗ്രസ് അധ്യക്ഷ സോണിയാ ഗാന്ധിക്കും അയച്ച കത്തില്‍ ഗോഗ്ര പറയുന്നു. സംസ്ഥാനത്ത് അടുത്ത വര്‍ഷം നടക്കാനിരിക്കുന്ന നിയമസഭാ തെരഞ്ഞടുപ്പിന് മുന്നോടിയായാണ് രാജി.