ഭോപ്പാല്‍: പുലിയും കടുവയും കുരങ്ങനെ വേട്ടയാടുന്നത് അപൂര്‍വ്വമായാണ് കണ്ടിട്ടുള്ളത്. ഇപ്പോള്‍ പുലി മരത്തിന്റെ മുകളില്‍ കയറി കുരങ്ങനെ വേട്ടയാടുന്ന ദൃശ്യങ്ങളാണ് വ്യാപകമായി പ്രചരിക്കുന്നത്.

മധ്യപ്രദേശിലെ പന്ന കടുവാ സംരക്ഷണ കേന്ദ്രത്തില്‍ നിന്നുള്ളതാണ് ദൃശ്യങ്ങള്‍. മരത്തിന്റെ മുകളില്‍ കയറി കുരങ്ങനെ പിടികൂടുന്നതാണ് വീഡിയോയുടെ ഉള്ളടക്കം. കുരങ്ങനെ കടിച്ചുപിടിച്ച് പുലി മരത്തില്‍ നിന്ന് താഴെയിറങ്ങുന്നത് വീഡിയോയില്‍ വ്യക്തമാണ്. 

പന്ന ടൈഗര്‍ റിസര്‍വിലെ ഉദ്യോഗസ്ഥരാണ് ദൃശ്യങ്ങള്‍ പകര്‍ത്തിയത്. തുടര്‍ന്ന് പന്ന ടൈഗര്‍ റിസര്‍വ് എന്ന ട്വിറ്റര്‍ ഹാന്‍ഡിലില്‍ വീഡിയോ പങ്കുവെയ്ക്കുകയായിരുന്നു. നിമിഷം നേരം കൊണ്ട് 3000 പേരാണ് വീഡിയോ കണ്ടത്.

ഈ വാർത്ത കൂടി വായിക്കാം 

'അച്ഛന്' ഉച്ചഭക്ഷണം കൊടുക്കാന്‍ രണ്ടുകിലോമീറ്റര്‍ ദൂരം സ്ഥിരമായി നടക്കുന്ന വളര്‍ത്തുനായ, 'സ്‌നേഹം'- വീഡിയോ

സമകാലിക മലയാളം ഇപ്പോൾ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾ അറിയാൻ ക്ലിക്ക് ചെയ്യൂ