ന്യൂഡല്ഹി: കര്ഷകര് പ്രതിഷേധിക്കുന്നതിനിടെ, കേന്ദ്രമന്ത്രിയുടെ മകന്റെ വാഹനവ്യൂഹം പാഞ്ഞുകയറി നിരവധി കര്ഷകര് കൊല്ലപ്പെട്ട സംഭവത്തില് സുപ്രീംകോടതി സ്വമേധയാ കേസെടുത്തു. ചീഫ് ജസ്റ്റിസ് എന് വി രമണ അധ്യക്ഷനായുള്ള ബെഞ്ച് നാളെ കേസ് പരിഗണിക്കും.
അതിനിടെ, കോണ്ഗ്രസ് നേതാക്കളായ രാഹുല് ഗാന്ധിയും പ്രിയങ്ക ഗാന്ധിയും ലഖിംപൂരിലെത്തി. ഇരുവരും കൊല്ലപ്പെട്ട കര്ഷകരുടെ വീടുകള് സന്ദര്ശിക്കും. ഉത്തര്പ്രദേശ് പൊലീസിന്റെ കരുതല് തടങ്കലില് നിന്ന് വിട്ടയച്ച പ്രിയങ്ക ഗാന്ധിക്കൊപ്പമാണ് രാഹുല് ലഖിംപൂരിലെത്തിയത്. ഇരുവര്ക്കും സന്ദര്ശനം നടത്താന് യുപി സര്ക്കാര് അനുമതി നല്കിയിരുന്നു.
നേരത്തെ ഇരുവര്ക്കും യുപി സര്ക്കാര് അനുമതി നിഷേധിച്ചിരുന്നു. പ്രതിഷേധം കനത്തതോടെ, പ്രധാനമന്ത്രി നരേന്ദ്രമോദി വിഷയത്തില് ഇടപെടുകയായിരുന്നു. പ്രധാനമന്ത്രി സംഭവത്തില് ഉത്തര്പ്രദേശ് മുഖ്യമന്ത്രി യോഗി ആദിത്യനാഥിനോട് റിപ്പോര്ട്ട് തേടി. തുടര്ന്ന് യോഗി ആദിത്യനാഥ് പ്രധാനമന്ത്രിയുമായി ചര്ച്ച നടത്തി. ഇതിന് പിന്നാലെയാണ് ഇരുവര്ക്കും മരിച്ച കര്ഷകരുടെ കുടുംബാംഗങ്ങളെ കാണാന് യുപി സര്ക്കാര് അനുമതി നല്കിയത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates