ഭുവനേശ്വര്‍: പ്രമുഖ ശില്‍പ്പിയും മുന്‍ രാജ്യസഭാംഗവുമായ രഘുനാഥ് മഹാപത്രയ്ക്കു പിന്നാലെ രണ്ടു മക്കളും കോവിഡ് ബാധിച്ചു മരിച്ചു. ഈ മാസം ഒന്‍പതിനാണ് മഹാപത്ര എയിംസ് ആശുപത്രിയില്‍ മരിച്ചത്. രണ്ടു മക്കള്‍ കഴിഞ്ഞ ദിവസം കോവിഡിനു കീഴടങ്ങിയതായി കുടുംബ വൃത്തങ്ങള്‍ അറിയിച്ചു. 

രഘുനാഥ് മഹാപത്രയുടെ ഇളയ മകന്‍ പ്രശാന്ത മഹാപത്ര ഒഡിഷയുടെ മുന്‍ രഞ്ജി ട്രോഫി ക്യാപ്റ്റന്‍ ആയിരുന്നു. ഭുവനേശ്വര്‍ എയിംസില്‍ തന്നെ ചികിത്സയില്‍ ആയിരുന്ന പ്രശാന്ത ബുധനാഴ്ചയാണ് മരിച്ചത്. 

രഘുനാഥയുടെ മൂത്ത മകന്‍ ജന്‍ശോഭാന്ത ഇന്നലെയാണ് അന്ത്യശ്വാസം വലിച്ചത്. രോഗം മൂര്‍ച്ഛിച്ചതിനെത്തുടര്‍ന്ന് ഇദ്ദേഹത്തെ എയിംസില്‍നിന്ന് എസ്‌യുഎം കോവിഡ് ആശുപത്രിയിലേക്കു മാറ്റിയിരുന്നു.