അഹമ്മദാബാദ്: ഗുജറാത്തില് കോണ്ഗ്രസ് എംഎല്എ കോവിഡ് ബാധിച്ച് മരിച്ചു. മുതിര്ന്ന കേണ്ഗ്രസ് നേതാവും സബര്കാന്ത ജില്ലയിലെ ബിലോഡ മണ്ഡലത്തില് നിന്നുള്ള എംഎല്എയുമായ അനില് ജോഷിയാര ആണ് മരിച്ചത്.
70 കാരനായ ജോഷിയാരയ്ക്ക് ജനുവരിയിലാണ് കോവിഡ് സ്ഥിരീകരിച്ചത്. പിന്നീട് കോവിഡ് ഭേദമായെങ്കിലും, ഇതുമൂലമുള്ള ശാരീരിക അവശതകള് രൂക്ഷമായി. ഇതേത്തുടര്ന്ന് അഹമ്മദാബാദിലും ചെന്നൈയിലുമായി ദീര്ഘനാളായി ചികിത്സയിലായിരുന്നു.
ഗുജറാത്ത് നിയമസഭയില് പ്രതിപക്ഷ ഉപനേതാവ് ശൈലേഷ് പാര്മര് ആണ് അനില് ജോഷിയാരയുടെ മരണവാര്ത്ത അറിയിച്ചത്. ഇതേത്തുടര്ന്ന് സ്പീക്കര് നിമാബെന് ആചാര്യ ആദരസൂചകമായി സഭാ നടപടികള് അവസാനിപ്പിച്ച് സഭ ഇന്നത്തേക്ക് പിരിഞ്ഞു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates