പൂനെ: ലൈംഗികാതിക്രമം ചെറുക്കുന്നതിനിടെ യുവതിക്ക് കാഴ്ച നഷ്ടമായി. മഹാരാഷ്ട്രയിലെ പൂനെ ജില്ലയില്‍ ചൊവ്വാഴ്ച രാത്രിയാണ് സംഭവം. യുവതി ഗുരുതരാവസ്ഥയില്‍ ചികിത്സയിലാണ്.

സംഭവവുമായി ബന്ധപ്പെട്ട് കേസ് രജിസ്റ്റര്‍ ചെയ്ത് അന്വേഷണം ആരംഭിച്ചതായി പൊലീസ് പറഞ്ഞു. കാര്‍ഷകതൊഴിലാളിയാണ് അതിക്രമത്തിനിരയായ യുവതി. ചൊവ്വാഴ്ച രാത്രി പ്രാഥമിക കര്‍മം നിര്‍വഹിക്കാനായി വീടിന് പുറത്തിറങ്ങയപ്പോള്‍ അജ്ഞാതസംഘം അതിക്രമിക്കുകയായിരുന്നു. ഇത് ചെറുത്തതോടെ യുവതിയെ ഇവര്‍ ക്രൂരമായി മര്‍ദ്ദിച്ചതായും പൊലീസ് പറഞ്ഞു. 

അജ്ഞാതസംഘത്തിന്റെ അതിക്രമത്തില്‍ നിന്നും യുവതി ഓടി രക്ഷപ്പെടുകയായിരുന്നു. അക്രമത്തില്‍ യുവതിയുടെ ഒരു കണ്ണിന്റെ കാഴ്ച പൂര്‍ണമായി നഷ്ടമായതായും മറ്റേ കണ്ണിന് സാരമായി പരിക്കേറ്റതായും പൊലീസ് പറഞ്ഞു. പ്രതികളെ ഉടന്‍ പിടികൂടുമെന്ന് പൊലീസ് പറഞ്ഞു.