മുംബൈ: മഹാരാഷ്ട്രയിലെ താനെ ഭീവണ്ടിയില്‍ കെട്ടിടം തകര്‍ന്നുണ്ടായ അപകടത്തില്‍ മരിച്ചവരുടെ എണ്ണം ആറായി ഉയർന്നു. ഒരു പെൺകുട്ടി അടക്കം നിരവധി പേരെ തകർന്ന കെട്ടിടാവശിഷ്ടങ്ങൾക്കിടയിൽ നിന്നും രക്ഷപ്പെടുത്തി. എന്‍ഡിആര്‍എഫ്, ടിഡിആര്‍എഫ്, പൊലീസ് തുടങ്ങിയവരുടെ നേതൃത്വത്തില്‍ രക്ഷാപ്രവര്‍ത്തനം തുടരുകയാണ്. 

രക്ഷാപ്രവർത്തനത്തിന് ഡോ​ഗ് സ്ക്വാഡിന്റെ സേവനവും ഉപയോ​ഗിക്കുന്നുണ്ട്. ഡോ​ഗ് സ്ക്വാഡിന്റെ സഹായത്തോടെയാണ് 10 പേരെ രക്ഷപ്പെടുത്താനായതെന്ന് എൻഡിആർഎഫ് കമാൻഡർ ദീപക് തിവാരി പറഞ്ഞു. 

മൂന്നുനില കെട്ടിടമാണ് തകര്‍ന്നു വീണത്. കെട്ടിടാവശിഷ്ടങ്ങള്‍ക്കുള്ളില്‍ ഇനിയും ആളുകൾ കുടുങ്ങിക്കിടക്കുന്നതായാണ് സംശയിക്കുന്നത്. രക്ഷാപ്രവർത്തനം ഊർജ്ജിതമായി തുടരുകയാണെന്ന് താനെ മുനിസിപ്പൽ കോർപ്പറേഷൻ അറിയിച്ചു. 

ഈ വാര്‍ത്ത കൂടി വായിക്കൂ  

തകര്‍ന്ന കെട്ടിടാവശിഷ്ടങ്ങള്‍ക്കുള്ളില്‍ കുടുങ്ങിയത് 20 മണിക്കൂര്‍; യുവാവിന്റെ അത്ഭുതകരമായ രക്ഷപ്പെടല്‍; താനെ അപകടത്തില്‍ മരണം നാലായി ( വീഡിയോ)

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ