മുംബൈ: മഹാരാഷ്ട്രയില്‍ ചേര പാമ്പിനെ വെടിവെച്ചു കൊന്നു. റെയില്‍വേ ജീവനക്കാരനെ ഇതുവരെ അറസ്റ്റ് ചെയ്തിട്ടില്ല. അതേസമയം പാമ്പിനെ കൊല്ലാന്‍ ഉപയോഗിച്ച എയര്‍ ഗണ്‍ പിടിച്ചെടുത്തതായി വനംവകുപ്പ് ഉദ്യോഗസ്ഥര്‍ അറിയിച്ചു.

താനെയില്‍ ബുധനാഴ്ച രാത്രിയാണ് സംഭവം. ചേര പാമ്പിനെ വെടിവെച്ചതായുള്ള വിവരം വന്യജീവി സംരക്ഷണത്തിനായി നിലക്കൊള്ളുന്ന സന്നദ്ധ സംഘടനയാണ് അറിഞ്ഞത്. ഇക്കാര്യം വനംവകുപ്പ് ഉദ്യോഗസ്ഥരെ ധരിപ്പിക്കുകയായിരുന്നു.

കൈവശം വെയ്്ക്കുന്നതിന് ലൈസന്‍സ് ആവശ്യമുള്ള എയര്‍ ഗണാണ് ചേര പാമ്പിനെ വെടിവെച്ചു കൊല്ലാന്‍ ഉപയോഗിച്ചത്. റെയില്‍വേയിലെ ജീവനക്കാരനാണ് ഇതിന് പിന്നില്‍. ഇയാളെ പിടികൂടാന്‍ സാധിച്ചിട്ടില്ല. എന്നാല്‍ ആയുധം പിടിച്ചെടുത്തതായി വനംവകുപ്പ് ഉദ്യോഗസ്ഥര്‍ അറിയിച്ചു. 

പാമ്പിന്റെ ശരീരം പോസ്റ്റ്‌മോര്‍ട്ടത്തിനായി അയച്ചു. തമാശയ്ക്ക് പാമ്പിന് നേര്‍ക്ക് നിറയൊഴിച്ചതാണ് എന്നാണ് പ്രാഥമിക നിഗമനം.