ന്യൂഡല്ഹി: സാങ്കേതിക തകരാറിനെ തുടര്ന്ന് പ്രമുഖ കമ്പനിയായ സ്പൈസ് ജെറ്റിന്റെ വിമാനം തിരിച്ചിറക്കി. ഡല്ഹിയില് നിന്ന് മഹാരാഷ്ട്രയിലെ നാസിക്കിലേക്ക് സര്വീസ് നടത്തുന്നതിനിടെ, യാത്രാമധ്യേയാണ് സാങ്കേതികതകരാര് കണ്ടെത്തിയത്. തുടര്ന്ന് ഡല്ഹി ഇന്ദിരാഗാന്ധി വിമാനത്താവളത്തില് വിമാനം തിരിച്ചിറക്കുകയായിരുന്നുവെന്ന് ഡിജിസിഎ അറിയിച്ചു.
വ്യാഴാഴ്ച രാവിലെയാണ് സംഭവം.യാത്രക്കാരെല്ലാം സുരക്ഷിതരാണെന്ന് അധികൃതര് അറിയിച്ചു. സ്പൈസ് ജെറ്റിന്റെ ബോയിങ് 737 വിമാനത്തിലാണ് സാങ്കേതിക തകരാര് ശ്രദ്ധയില്പ്പെട്ടത്. യാത്രാമധ്യേ ഓട്ടോ പൈലറ്റ് സംവിധാനത്തിലാണ് തകരാര് കണ്ടെത്തിയത്. തുടര്ന്ന് നാസിക്കിലേക്ക് പുറപ്പെട്ട വിമാനം ഡല്ഹിയില് തിരിച്ചിറക്കുകയായിരുന്നു.
അടുത്തിടെ നിരവധി തവണയാണ് സ്പൈസ് ജെറ്റ് വിമാനങ്ങളില് സാങ്കേതിക തകരാര് കണ്ടെത്തിയത്. സാങ്കേതിക തകരാര് പരിഹരിച്ച് സുരക്ഷിത യാത്ര ഉറപ്പാക്കുന്നത് വരെ പകുതി സര്വീസുകള് മാത്രം നടത്തിയാല് മതിയെന്നാണ് ഡിജിസിഎയുടെ നിര്ദേശം.
ഈ വാര്ത്ത കൂടി വായിക്കൂ
സമകാലിക മലയാളം ഇപ്പോള് വാട്ട്സ്ആപ്പിലും ലഭ്യാണ്. ഏറ്റവും പുതിയ വാര്ത്തകള് അറിയാന് ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates