ശ്രീനഗര്‍: കൊടുംതണുപ്പില്‍ വിറച്ച് കശ്മീര്‍. സീസണിലെ ഏറ്റവും കുറവ് താപനിലയായ മൈനസ് 4.6 ഡിഗ്രി സെല്‍ഷ്യസ് ആണ് ഇന്നലെ ശ്രീനഗറില്‍ രേഖപ്പെടുത്തിയത്. വ്യാഴാഴ്ച രാത്രി മൈനസ് 2.4 ഡിഗ്രി ആയിരുന്നു താപനില.

കശ്മീര്‍ താഴ്‌വരയില്‍ പഹല്‍ഗാം ആണ് ഏറ്റവും തണുപ്പു രേഖപ്പെടുത്തിയ പ്രദേശം. അഞ്ചു ഡിഗ്രി സെല്‍ഷ്യസ് ആണ് കഴിഞ്ഞ ദിവസം ഇവിടെ അനുഭവപ്പെട്ട ചൂട്. ബരാമുള്ളയിലെ ഗുല്‍മാര്‍ഗില്‍ മൈനസ് 4.2 ഡിഗ്രിയാണ് താപനില. 

ഡിസംബര്‍ 11 വരെ ഈ നില തുടരുമെന്നാണ് കാലാവസ്ഥാ മുന്നറിയിപ്പ്. പകല്‍ വരണ്ട കാലാവസ്ഥയ്ക്കാണ് സാധ്യത. രാത്രി താപനില വീണ്ടും താഴ്‌നേക്കും. ഡിസംബര്‍ രണ്ടാംവാരത്തോടെ മഞ്ഞുവീഴ്ചയ്ക്കു സാധ്യതയുണ്ട്.

ഈ വാര്‍ത്ത കൂടി വായിക്കൂ 

വെള്ളം കുടിച്ചപ്പോൾ അറിയാതെ തേനീച്ചയെ വിഴുങ്ങി; 22കാരൻ ശ്വാസംമുട്ടി മരിച്ചു

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ