പാമ്പ് എന്ന് കേള്‍ക്കുമ്പോള്‍ ഭയപ്പെടുന്നവരാണ് ഭൂരിഭാഗം ആളുകളും. പാമ്പിനെ നേരിട്ട് കണ്ടാല്‍ പറയുകയും വേണ്ട!. ചിലര്‍ ധൈര്യശാലിയാണെന്ന് മറ്റുള്ളവരുടെ മുന്നില്‍ തെളിയിക്കാന്‍ അതിസാഹസികതയ്ക്ക് മുതിരാറുണ്ട്. കഴിഞ്ഞദിവസം പാമ്പിനെ സ്‌കിപ്പിങ് റോപ്പാക്കി ചാടുന്ന യുവാവിനെതിരെ രൂക്ഷ വിമര്‍ശനമാണ് ഉയര്‍ന്നത്. ഇപ്പോള്‍ മറ്റൊരു വീഡിയോയാണ് ചര്‍ച്ചയാകുന്നത്.

പാമ്പിന്റെ വാലില്‍ പിടിച്ച് സാഹസിക പ്രകടനം നടത്തുന്നതിനിടെ, പാമ്പ് യുവാവിനെ കടിക്കുന്ന വീഡിയോയാണ് വ്യാപകമായി പ്രചരിക്കുന്നത്. യുവാവിന്റെ സ്വകാര്യഭാഗത്താണ് പാമ്പ് കടിച്ചത്. പാമ്പിന്റെ കടിയേറ്റ് യുവാവ് വേദന കൊണ്ട് പുളയുന്നത് വീഡിയോയില്‍ കാണാം.കാണികള്‍ നോക്കിനില്‍ക്കേയാണ് യുവാവ് പാമ്പുമായി പ്രകടനം നടത്തിയത്.

വാലില്‍ പിടിച്ച് പ്രകടനം നടത്തുന്നതിനിടെ, തുടക്കത്തില്‍ പാമ്പ് കൊത്താന്‍ ഓങ്ങുന്നതും യുവാവ് ഒഴിഞ്ഞുമാറുന്നതും വീഡിയോയില്‍ വ്യക്തമാണ്. അടുത്തതവണ യുവാവിന് പാമ്പിന്റെ ആക്രമണം ഏല്‍ക്കുകയായിരുന്നു.