പനജി: ഒരു വർഷം 3 പാചകവാതക സിലിണ്ടർ വീട്ടാവശ്യത്തിന് സൗജന്യമായി നൽകുമെന്ന തെരഞ്ഞെടുപ്പു വാഗ്ദാനം ​ഗോവയിൽ നടപ്പിലാക്കുന്നു.  ആദ്യ മന്ത്രിസഭായോഗത്തിലാണ് ഇത് സംബന്ധിച്ച തീരുമാനം വന്നത്. മുഖ്യമന്ത്രി പ്രമോദ് സാവന്ത് ഇക്കാര്യം വ്യക്തമാക്കി. 

ഏപ്രിൽ മുതൽ സൗജന്യമായി സിലിണ്ടർ ലഭിക്കും. അടുത്ത മൂന്ന് വർഷത്തേക്ക് പെട്രോൾ ഉത്പന്നങ്ങളുടെ മേലുള്ള സംസ്ഥാന നികുതി കൂട്ടില്ലെന്നും ​ഗോവയിലെ ബിജെപിയുടെ തെരഞ്ഞെടുപ്പ് വാ​ഗ്ദാനമായിരുന്നു. 

ഗോവയിൽ രമേഷ് തവദ്കർ സ്പീക്കറായി തെരഞ്ഞെടുക്കപ്പെട്ടു. 40 അംഗ സഭയിൽ ബിജെപിക്ക് 20 അംഗങ്ങളാണുള്ളത്. 3 സ്വതന്ത്രരും 2 മഹാരാഷ്ട്ര ഗോമന്തക് പാർട്ടി അംഗങ്ങളും പിന്തുണയ്ക്കുന്നു.