ഭുവനേശ്വര്‍: ഒഡീഷയില്‍ മന്ത്രവാദം സംശയിച്ച് പ്രായമായ സ്ത്രീയുടെ തലയറുത്ത് കൊലപ്പെടുത്തി. ആദിവാസി വിഭാഗത്തില്‍പ്പെട്ട 62കാരിയാണ് ആക്രമണത്തിന് ഇരയായത്. സംഭവവുമായി ബന്ധപ്പെട്ട് രണ്ടു യുവാക്കളെ പൊലീസ് പിടികൂടി.

മയൂര്‍ബഞ്ച് ജില്ലയില്‍ ഞായറാഴ്ചയാണ് സംഭവം. തല വെട്ടിമാറ്റിയ നിലയിലുള്ള മൃതദേഹം കണ്ടെത്തുകയായിരുന്നു. അറുത്തുമാറ്റിയ തല ഇതുവരെ കണ്ടെത്തിയിട്ടില്ല. ഗ്രാമത്തില്‍ അടുത്തിടെ ഒരാള്‍ മരിച്ചിരുന്നു. ഇതുമായി ബന്ധപ്പെട്ട് 62കാരിയെ ചിലര്‍ ലക്ഷ്യമിട്ടിരുന്നതായി ബന്ധുക്കള്‍ ആരോപിക്കുന്നു. 

ശനിയാഴ്ച വൈകീട്ടാണ് സ്ത്രീയെ അവസാനമായി കണ്ടത്. കൊലപാതക കേസ് രജിസ്റ്റര്‍ ചെയ്ത് പൊലീസ് അന്വേഷണം ആരംഭിച്ചു.