കൊൽക്കത്ത: ബിജെപിയുടെ റാലിക്ക് പിന്നാലെ പാടം ചാണകം തളിച്ച് ശൂചീകരിച്ച് തൃണമൂൽ കോൺഗ്രസ് പ്രവർത്തകർ. 2021 തെരഞ്ഞെടുപ്പിന് മുന്നോടിയായി ഭിർഭൂമിലെ സിയൂരിയിൽ ബിജെപി റാലി സംഘടിപ്പിച്ചിരുന്നു. ഇവിടെയാണ് തൃണമൂൽ പ്രവർത്തകർ ചാണകം തളിച്ചത്. 

ബിജെപിയുടെ വൈറസ് വീണ ഭൂമി മോചിപ്പിക്കാനാണ് ഞങ്ങൾ ഇത് ചെയ്തതെന്നാണ് തൃണമുൽ പ്രവർത്തകർ തങ്ങളുടെ പ്രവർത്തിയെക്കുറിച്ച് പറഞ്ഞത്. പശ്ചിമ ബംഗാൾ ബിജെപി അധ്യക്ഷൻ ദിലീപ് ഘോഷിൻറെ ചിത്രത്തിലും പ്രവർത്തകർ ചാണകം തളിച്ചു.

നിയമസഭാ തെരഞ്ഞെടുപ്പിന് മുന്നോടിയായി ബിജെപിയും ടിഎംസിയും കടുത്ത വാക്പോരിലാണ്. ടി‌എം‌സി പ്രവർത്തകരെ കോടികൾ വാഗ്ദാനം നൽകി മോഹിപ്പിച്ചതായി മുഖ്യമന്ത്രി മമത ബാനർജി നേരത്തെ ആരോപിച്ചിരുന്നു. 2021 ലെ നിയമസഭാ തെരഞ്ഞെടുപ്പിൽ പശ്ചിമ ബംഗാളിൽ 200 ൽ അധികം സീറ്റുകൾ ബിജെപിയുടെ അവകാശവാദം.