മുംബൈ: ഒന്‍പതു വയസുകാരന്‍ മൂത്രം ഒഴിക്കുന്ന ദൃശ്യം പ്രചരിപ്പിച്ചതിന് രണ്ട് ഹൗസിങ് സൊസൈറ്റി അംഗങ്ങള്‍ക്കെതിരെ പോക്‌സോ കേസ്. കെട്ടിടത്തിന്റെ കോണിപ്പടിയില്‍ കുട്ടി മൂത്രം ഒഴിക്കുന്ന സിസിടിവി ദൃശ്യങ്ങളാണ് ഹൗസിങ് സൊസൈറ്റിയുടെ സെക്രട്ടറിയും മറ്റൊരു അംഗവും പ്രചരിപ്പിച്ചത്. താമസക്കാരുടെ ഗ്രൂപ്പിലാണ് ഇവര്‍ പങ്കുവെച്ചത്.

മുംബൈ മുളുന്തിലെ ഹൗസിങ് സൊസൈറ്റിയിലാണ് സംഭവം.വീഡിയോ പ്രചരിപ്പിച്ചതിനെതിരെ കുട്ടിയുടെ അമ്മയാണ് പൊലീസിനെ സമീപിച്ചത്. കഴിഞ്ഞാഴ്ച കേസില്‍ ഇരുവരും മുന്‍കൂര്‍ ജാമ്യം നേടിയിരുന്നു.

കുട്ടി മൂത്രം ഒഴിക്കുന്നതിന്റെ സിസിടിവി ദൃശ്യങ്ങളാണ് ഇരുവരും പ്രചരിപ്പിച്ചതെന്ന് പൊലീസ് പറയുന്നു. സൊസൈറ്റിയിലെ താമസക്കാരുടെ ഗ്രൂപ്പിലാണ് ഇത് പങ്കുവെച്ചത്. കുട്ടിയുടെ സ്വകാര്യത ലംഘിച്ചതിനും പൊതുജനമധ്യത്തില്‍ അപമാനിച്ചതിനും പോക്‌സോ നിയമത്തിലെ വിവിധ വകുപ്പുകള്‍ അനുസരിച്ചാണ് കേസ്. നിലവില്‍ പൊലീസ് കേസ് അന്വേഷിച്ച് വരികയാണ്.

ഈ വാര്‍ത്ത കൂടി വായിക്കൂ 

നടിക്കൊപ്പമുള്ള അശ്ലീല വീഡിയോ; നിത്യാനന്ദക്കെതിരെ ജാമ്യമില്ലാ വാറന്റ് 

സമകാലിക മലയാളം ഇപ്പോള്‍ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ