ചെന്നൈ:സ്കൂള് വിദ്യാര്ഥികള് ഓടുന്ന ബസില് പരസ്യമായി മദ്യപിക്കുന്ന വിഡിയോ വൈറലായതോടെ അന്വേഷണം ആരംഭിച്ച് പൊലീസ്. തമിഴ്നാട്ടിലെ ചെങ്കല്പ്പേട്ട് ജില്ലിയില് നിന്നാണ് ഈ വിഡിയോ. തമിഴ്നാട്ടിലെ ചെങ്കല്പ്പെട്ടിലെ സര്ക്കാര് സ്കൂളില് പഠിക്കുന്ന ആണ്കുട്ടികളുടെയും പെണ്കുട്ടികളുടെയും സംഘമാണ് ഇത്തരത്തില് ആഘോഷം നടത്തിയത്.
ചെങ്കല്പട്ടില് നിന്ന് തച്ചൂരിലേക്ക് സര്ക്കാര് ബസില് യാത്ര ചെയ്യുന്നതിനിടെയാണ് പ്ലസ്ടു വിദ്യാര്ഥികള് ബസില് നിന്നുെകാണ്ട് ബിയര് കുടിച്ചത്. ഒപ്പം യാത്ര ചെയ്യുന്ന കുട്ടികളിലൊരാളാണ് ദൃശ്യങ്ങള് പകര്ത്തിയത്. മദ്യപിച്ച് ബസില് ബഹളം വയ്ക്കുന്ന ദൃശ്യങ്ങളും വൈറലായ വിഡിയോയിലുണ്ട്. ഒരുകുപ്പി ബിയര് പരസ്പരം കൈമാറി കുടിക്കുകയാണ് സംഘം. മറ്റ് യാത്രക്കാര് കുട്ടികളെ നോക്കുന്നതും വിഡിയോയിലുണ്ട്.
വിഡിയോ വൈറലായതോടെ വിദ്യാഭ്യാസ വകുപ്പും വിഷയത്തില് ഇടപ്പെട്ടിട്ടുണ്ട്. കുട്ടികളെ വിളിച്ചുവരുത്തി താക്കീത് ചെയ്തെന്നാണ് റിപ്പോര്ട്ടുകള്. സംഭവത്തില് കര്ശനനടപടി സ്വീകരിക്കുമെന്ന് സ്കൂള് അധികൃതര് അറിയിച്ചു
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates