ഡെറാഢൂണ്‍: അമിത വേഗതയിലെത്തിയ സിമന്റ് ട്രക്ക്‌ ടോള്‍ പ്ലാസയിലേക്ക് ഇടിച്ചു കയറി.  ക്യാബിനില്‍ ഡ്യൂട്ടിയിലുണ്ടായിരുന്ന ജീവനക്കാരും ടോളില്‍ പാര്‍ക്ക് ചെയ്ത വാഹനത്തിലുള്ളവരും രക്ഷപ്പെട്ടത് തലനാരിഴയ്ക്ക്‌.
ഉത്തരാഖണ്ഡ് ഡെറാഢൂണിലെ ടോള്‍ പ്ലാസയില്‍ കഴിഞ്ഞ ദിവസമാണ് സംഭവം. 

അപകടത്തില്‍ ക്യാബിനില്‍ ജോലി ചെയ്തിരുന്ന പെണ്‍കുട്ടിക്ക് പരിക്കേറ്റു. ഉടന്‍ തന്നെ യുവതിയെ സമീപത്തെ ആശുപത്രിയില്‍ പ്രവേശിപ്പിക്കുകയും ചെയ്തു. ജോലിയിലുണ്ടായിരുന്ന മറ്റൊരു യുവതിയാണ് ക്യാബിനിലേക്ക് ഓടിയെത്തി ജീവനക്കാരിയെ രക്ഷിച്ചത്. 

ക്യാബിനില്‍ ഇടിച്ചതിന് പിന്നാലെ ട്രക്ക് നിയന്ത്രണം വിട്ടു മറിഞ്ഞു. അപകടമുണ്ടായെന്ന് അറിഞ്ഞ് നിരവധി ആളുകളാണ് സ്ഥലത്തെത്തിയത്.

ഈ വാർത്ത കൂടി വായിക്കാം

അഭിമാനം, ദ്രൗപദി മുര്‍മു രാജ്യത്തിന്റെ പ്രഥമ വനിത; പ്രൗഢഗംഭീരം സത്യപ്രതിജ്ഞ

സമകാലിക മലയാളം ഇപ്പോള്‍ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ