ലഖ്നൗ: അപകടത്തിൽപ്പെട്ട 50കാരി യമുന നദിയിൽ 16 മണിക്കൂറോളം ഒഴുകിനടന്നു​. കാൽവഴുതി ജലപാതയിലേക്ക് വീണ സ്ത്രീ നദിയിലേക്ക്​ ഒഴുകിയെത്തി. ഒരു മരത്തടിയുടെ സഹായത്തോടെയാണ് രാത്രി മുഴുവൻ കഴിച്ചുകൂട്ടിയത്. ഒടുവിൽ കരച്ചിൽകേട്ട ബോട്ട്​ തൊഴിലാളികളാണ് സ്ത്രീയെ രക്ഷപെടുത്തിയത്. 

ഉത്തർപ്രദേശിലെ ശാരദ ന​ഗർ സ്വദേശിയായ ജയദേവി എന്ന സ്ത്രീ ഗ്രാമത്തിൽനിന്ന്​ 25 കിലോമീറ്റർ അകലെ ഹാമിർപുരിലേക്കാണ്​ ഒഴുകിയെത്തിയത്​. വയലിലേക്ക്​ പോകുന്നതിനിടെ കാൽവഴുതി വീണാണ് അപകടത്തിൽപ്പെട്ടത്. ഹാമിർപുരിൽവെച്ച്​ കരച്ചിൽ കേട്ട ബോട്ട്​ തൊളിലാളികൾ ജയ്​ദേവിയെ രക്ഷപ്പെടുത്തി കരയിലെത്തിച്ചു.