ഗുവഹാത്തി: വിവാഹിതയായ യുവതി കഴിഞ്ഞ 10 വര്‍ഷത്തിനിടെ ഒളിച്ചോടിയത് 25 പേര്‍ക്കൊപ്പം. എങ്കിലും, തിരിച്ചുവന്നാല്‍ സ്വീകരിക്കാന്‍ തയാറാണെന്നാണു ഭര്‍ത്താവ് പറയുന്നു. അസമിലെ ധിങ് ലഹ്ക്കര്‍ ജില്ലയിലാണു സംഭവം.

ദമ്പതികള്‍ക്ക് മൂന്ന് മക്കളാണ് ഉള്ളത്. ഓരോ സമയവും യുവതി ആര്‍ക്കെങ്കിലുമൊക്കെ ഒപ്പം ഒളിച്ചോടും. കുറച്ച് ദിവസങ്ങള്‍ക്കു ശേഷം തിരികെയെത്തും. ഇതാണു പതിവ്. അടുത്തിടെ നാട്ടുകാരനായ ഒരാള്‍ക്കൊപ്പമാണ് പോയതെന്ന് ഭര്‍ത്താവ് പറയുന്നു. യുവതിയുടെ ഭര്‍ത്താവ് ഡ്രൈവറാണ്.

സെപ്റ്റംബര്‍ നാലിന് ജോലി കഴിഞ്ഞ് വീട്ടില്‍ എത്തിയപ്പോള്‍  ഭാര്യയെ കാണുന്നില്ല. 3 മാസം പ്രായമുള്ള കുഞ്ഞിനെ അടുത്ത വീട്ടില്‍ ഏല്‍പ്പിച്ച ശേഷമാണ് അവള്‍ പോയത്. ആടിന് തീറ്റ തേടി പോകുകയാണെന്നാണ് പറഞ്ഞത്.  22,000 രൂപയും ആഭരണങ്ങളുമായാണ് ഓടിപ്പോയത്. ആര്‍ക്കൊപ്പമാണ് പോയതെന്ന് കൃത്യമായി അറിയില്ല,' ഭര്‍ത്താവ് പറയുന്നു.

അതേസമയം, വിവാഹത്തിന് ശേഷം യുവതി തന്റെ പ്രദേശത്തുള്ള നിരവധി ആളുകളുമായി അവിഹിത ബന്ധം പുലര്‍ത്തിയതായി ദിങ് ലഹ്കര്‍ ഗ്രാമത്തിലെ പ്രദേശവാസികള്‍ ആരോപിക്കുന്നു.