ഛത്ര: അഞ്ച് ലക്ഷം രൂപ തലയ്ക്ക് വിലയിട്ട മാവോയിസ്റ്റ് നേതാവ് ഝാര്‍ഖണ്ഡില്‍ അറസ്റ്റില്‍. ശേഖര ഗഞ്ചു എന്നയാളാണ് പൊലീസിന്റെ പിടിയിലായത്. ഝാര്‍ഖണ്ഡിലെ ഛത്ര ജില്ലയില്‍ വച്ചാണ് ഇയാളെ പൊലീസ് അറസ്റ്റ് ചെയ്തത്. 

ഛത്രയിലെ ജജ്‌വാരിയ ഗ്രാമത്തിലായിരുന്നു ഇയാള്‍. സംസ്ഥാന പൊലീസ് സേനയും സെന്‍ട്രല്‍ റിസര്‍വ് പൊലീസ് സേനയും ചേര്‍ന്ന് നടത്തിയ സംയുക്ത നീക്കത്തിലാണ് ഇയാള്‍ പിടിയിലായതെന്നാണ് വിവരം. കൂടുതല്‍ വിവരങ്ങള്‍ ലഭിച്ചിട്ടില്ല.