ന്യൂഡല്ഹി: അനധികൃത സ്വത്ത് സമ്പാദന കേസില് അറസ്റ്റിലായ കര്ണാടക കോണ്ഗ്രസ് നേതാവ് ഡികെ ശിവകുമാറിന്റെ മകള് ഐശ്വര്യയെ ഇന്ന് എന്ഫോഴ്സ്മെന്റ് ഡയറക്ടറേറ്റ് ചോദ്യം ചെയ്യും. ഡല്ഹി ഖാന് മാര്ക്കറ്റിലെ എന്ഫോഴ്സ്മെന്റ് ആസ്ഥാനത്ത് രാവിലെ 10 മണിയോടെ ചോദ്യം ചെയ്യല് ആരംഭിക്കും.
ശിവകുമാറിനെതിരായ കള്ളപ്പണക്കേസുമായി ബന്ധപ്പെട്ട് ചോദ്യം ചെയ്യലിന് ഹാജരാകാന് ചൊവ്വാഴ്ചയാണ് എന്ഫോഴ്സ്മെന്റ് ഡയറക്ടറേറ്റ് ഐശ്വര്യക്ക് നോട്ടീസ് നല്കിയത്. ശിവകുമാറിന്റെ പണമിടപാടുകള് പരിശോധിക്കവെ ഐശ്യര്യയുടെ നേതൃത്വത്തിലുള്ള ട്രസ്റ്റുമായി ബന്ധപ്പെട്ട രേഖകള് ഇഡിക്ക് ലഭിച്ചിരുന്നു.
ഇതാണ് അന്വേഷണം മകളിലേക്കും എത്തിച്ചത്. ട്രസ്റ്റിന്റെ പ്രവര്ത്തനങ്ങളും സാമ്പത്തിക ഇടപാടുകളും സംബന്ധിച്ച കൂടുതല് വിവരങ്ങള്ക്ക് വേണ്ടിയാണ് ഐശ്വര്യയെ ചോദ്യം ചെയ്യുന്നതെന്ന് എന്ഫോഴ്സമെന്റ് ഡയറക്ടറേറ്റ് വ്യക്തമാക്കിയിരുന്നു.
2017 ജൂലൈയില് ഡികെ ശിവകുമാറും മകള് ഐശ്വര്യയും ബിസിനസ് ആവശ്യത്തിനായി സിംഗപ്പൂരിലേക്ക് യാത്ര നടത്തിയിരുന്നു. ഇതുസംബന്ധിച്ച കൂടുതല് വിവരങ്ങളും ഇഡി അന്വേഷിക്കും.
കള്ളപ്പണം വെളുപ്പിക്കല്, നികുതിവെട്ടിപ്പ്, ഹവാല ഇടപാട് എന്നീ വകുപ്പുകളിലായാണ് ശിവകുമാറിനെതിരേ കേസെടുത്തിരിക്കുന്നത്. കണക്കില്പ്പെടാത്ത 429 കോടിയുടെ സമ്പാദ്യം കണ്ടെത്തിയെന്നാണ് ഇഡി വൃത്തങ്ങള് വ്യക്തമാക്കുന്നത്. കേസില് എന്ഫോഴ്സ്മെന്റിന്റെ കസ്റ്റഡിയിലാണ് നിലവില് ശിവകുമാര്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates