ന്യൂഡല്‍ഹി: ദേശീയ പൗരത്വ നിയമഭേദഗതിക്ക് എതിരെ കോണ്‍ഗ്രസ് ഞായറാഴ്ച നടത്താനിരുന്ന പ്രതിഷേധ ധര്‍ണ തിങ്കളാഴ്ചത്തേക്ക് മാറ്റി. രാജ്ഘട്ടില്‍ നടത്താനിരുന്ന ധര്‍ണയ്ക്ക് പൊലീസ് അനുമതി നിഷേധിച്ചതിനെ തുടര്‍ന്നാണ് പരിപാടി മാറ്റിയിരിക്കുന്നതെന്ന് വാര്‍ത്താ ഏജന്‍സിയായ എഎന്‍ഐ റിപ്പോര്‍ട്ട് ചെയ്തു. 

ഞായറാഴ്ച ഉച്ചയ്ക്ക് രണ്ടുമുതല്‍ എട്ടുവരെയാണ് ധര്‍ണ നടത്താന്‍ തീരുമാനിച്ചിരുന്നത്. ധര്‍ണയില്‍ എഐസിസി ജനറല്‍ അധ്യക്ഷ സോണിയ ഗാന്ധി ജനറല്‍ സെക്രട്ടറി പ്രിയങ്ക ഗാന്ധി, വയനാട് എംപി രാഹുല്‍ ഗാന്ധി എന്നിവര്‍ പങ്കെടുക്കുമെന്നും അറിയിച്ചിരുന്നു. 

ദേശീയ പൗരത്വ നിയമ പ്രതിഷേധം ശക്തിയാര്‍ജിച്ചപ്പോള്‍ ദക്ഷിണ കൊറിയന്‍ സന്ദര്‍ശനത്തിന് പോയ രാഹുല്‍ ഗാന്ധി, തിരിച്ചെത്തിയതിന് ശേഷം പങ്കെടുക്കുന്ന പരിപാടിയാണിത്.