ന്യൂഡല്‍ഹി: പൗരത്വ നിയമഭേദഗതിക്ക് എതിരെ  കേന്ദ്ര ആഭ്യന്തര മന്ത്രി അമിത് ഷായുടെ വസതിയിലേക്ക് ഷഹീന്‍ബാഗ് സമരക്കാരുടെ മാര്‍ച്ച്. പ്രതിഷേധപ്രകടനം പൊലീസ് തടഞ്ഞു. മാര്‍ച്ചിന് പൊലീസ് അനുമതി നല്‍കിയിട്ടില്ല. 

5,000പേര്‍ മാര്‍ച്ചില്‍ പങ്കെടുക്കുന്നുണ്ടെന്നാണ് സമരക്കാര്‍ അറിയിച്ചിരിക്കുന്നത്. ആഭ്യന്തരമന്ത്രിയുമായി പ്രതിഷേധക്കാര്‍ ചര്‍ച്ച നടത്തുമെന്ന് കഴിഞ്ഞ ദിവസം റിപ്പോര്‍ട്ടുകള്‍ പുറത്തുവന്നിരുന്നു. 

പൗരത്വ നിയമത്തെക്കുറിച്ച് ചര്‍ച്ച ചെയ്യാന്‍ രാജ്യത്തുള്ള എല്ലാവരെയും അമിത് ഷാ ക്ഷണിച്ചിരുന്നു. അതുകൊണ്ട് ഞങ്ങള്‍ അമിത് ഷായെ കാണാന്‍ പോകുകയാണ്' എന്ന് ഷഹീന്‍ബാഗ് സമക്കാരുടെ ട്വിറ്റര്‍ അക്കൗണ്ട് കഴിഞ്ഞ ദിവസം ട്വീറ്റ് ചെയ്തിരുന്നു.