നാസിക്: അതിവേഗത്തില്‍ പാഞ്ഞെത്തിയ കാര്‍ ഇടിച്ച് പതിനൊന്നുവയസുകാരന്‍ മരിക്കുകയും ഒപ്പമുണ്ടായിരുന്ന ഏഴ് സുഹൃത്തുക്കള്‍ക്ക് പരിക്കേല്‍ക്കുകയും ചെയ്തു. മഹാരാഷ്ട്രയിലെ നാസിക്കിലുള്ള ക്ഷേത്രത്തിലേക്ക് പോകും വഴിയാണ് നിയന്ത്രണം വിട്ട് കാര്‍ കുട്ടികളുടെ നേര്‍ക്ക് പാഞ്ഞെത്തിയത്. ഒന്‍പതിനും പതിനഞ്ചിനും ഇടയില്‍ പ്രായമുള്ള കുട്ടികളാണ് പരിക്കേറ്റ് ആശുപത്രിയില്‍ ചികിത്സയിലുള്ളത്. 

നവരാത്രി ആഘോഷങ്ങളുടെ ഭാഗമായുള്ള തയ്യാറെടുപ്പുകള്‍ക്കായി ക്ഷേത്രത്തിലേക്ക് പോകുന്നതിനിടയിലാണ് കുട്ടികളുടെ നേര്‍ക്ക് കാര്‍ പാഞ്ഞു കയറിയത്. അപകടം നടന്നയുടന്‍ കാറുമായി ഡ്രൈവര്‍ സംഭവസ്ഥലത്തുനിന്ന് കടന്നുകളഞ്ഞു. ഇയാള്‍ക്കായുള്ള തിരച്ചില്‍ ആരംഭിച്ചതായി പൊലീസ് പറഞ്ഞു.