ജയ്പൂര്‍: തെരഞ്ഞടുപ്പ് പ്രചാരണത്തിനിടെ രാജസ്ഥാന്‍ മുഖ്യമന്ത്രി വസുന്ധര രാജയ്‌ക്കെതിരെ രൂക്ഷമായി പ്രതികരിച്ച് ജെഡിയു നേതാവ് ശരത് യാദവ്. മുഖ്യമന്ത്രി വസുന്ധര രാജയ്ക്ക് വിശ്രമിക്കാന്‍ സമയമായി. ഇപ്പോള്‍ തന്നെ വല്ലാതെ തടികൂടിയെന്നായിരുന്നു ജെഡിയു നേതാവിന്റെ പരിഹാസം.

പ്രസംഗത്തിന്റെ 19 സെക്കന്റുള്ള വീഡിയോ സോഷ്യല്‍ മീഡിയയില്‍ വൈറലായി. ഡിസംബര്‍ 7നാണ് രാജസ്ഥാനില്‍ തെരഞ്ഞടുപ്പ്. ജാല്‌റാപഠന്‍ മണ്ഡലത്തില്‍ നിന്നാണ്  വസുന്ധര ജനവിധി തേടുന്നത്. എല്ലാകാലത്തും തനിക്കൊപ്പം നിന്ന മണ്ഡലത്തില്‍ ഇക്കുറി പോരാട്ടം കനത്തതാണ്.ബി.ജെ.പിയുടെ ബദ്ധവൈരിയും മുന്‍ കേന്ദ്രമന്ത്രിയുമായ ജസ്വന്ത് സിങ്ങിന്റെ മകന്‍ മാനവേന്ദ്ര സിങാണ് എതിരാളി. 

രാവിലെ എട്ടുമണിക്കാരംഭിക്കുന്ന പോളിംഗ്  വൈകീട്ട് അഞ്ച് മണി വരെയാണ്. 199 മണ്ഡലങ്ങളിലേക്കാണ് തെരഞ്ഞടുപ്പ്‌