നബരംഗപൂര്‍:  അവിഹിത ബന്ധമുണ്ടന്ന സംശയത്തെ തുടര്‍ന്ന് ഭര്‍ത്താവിന്റെ ജനനേന്ദ്രിയം യുവതി മുറിച്ചു മാറ്റി. ഒഡീഷയിലെ ഉദയ്പൂര്‍ സ്വദേശിയായ ഗംഗൈ ഹരിജനാണ് ഭര്‍ത്താവ് സദാശിവം  ഉറങ്ങിക്കിടക്കുമ്പോള്‍ ജനനേന്ദ്രിയം മുറിച്ച് മാറ്റിയത്. 

സദാശിവത്തിന് പരസ്ത്രീ ബന്ധമുണ്ടെന്ന ആരോപണത്തെ തുടര്‍ന്ന് ഇരുവരും തമ്മില്‍ വാഗ്വാദം ഉണ്ടായിരുന്നതായി അയല്‍വാസികള്‍ പറഞ്ഞു. പാതിരാത്രിയില്‍ കരച്ചില്‍ കേട്ടെത്തിയ നാട്ടുകാരാണ് ഇയാളെ ആശുപത്രിയില്‍ എത്തിച്ചത്. സംഭവത്തില്‍ ഭാര്യ ഗംഗയെ പൊലീസ് കസ്റ്റഡിയില്‍ എടുത്തു.

തമിഴ്‌നാട്ടില്‍ ജോലി ചെയ്യുന്ന സദാശിവം മൂന്ന് മാസം മുന്‍പാണ് നാട്ടിലേക്ക് തിരികെ എത്തിയത്. ഇയാള്‍ ആശുപത്രിയില്‍ ചികിത്സയിലാണെന്ന് പൊലീസ് വെളിപ്പെടുത്തി.