ന്യൂഡല്ഹി: ഡല്ഹി തെരഞ്ഞെടുപ്പില് 36 സീറ്റുകളില് രണ്ടായിരം വോട്ടിന് താഴെയാണ് തോറ്റതെന്ന ബിജെപിയുടെ പ്രചാരണം പൊളിഞ്ഞു. രണ്ടു സീറ്റുകളില് മാത്രമാണ് ബിജെപി 2000വോട്ടുകള്ക്ക് തോറ്റത്. ബാക്കിയെല്ലായിടക്കും കനത്ത തോല്വിയാണ് പാര്ട്ടി ഏറ്റുവാങ്ങിയത്.
നിയമസഭ തെരഞ്ഞെടുപ്പിലെ കനത്ത തോല്വിക്ക് പിന്നാലെ, വെറും 2000വോട്ടിന് താഴെയാണ് പാര്ട്ടി സ്ഥാനാര്ത്ഥികള് തോറ്റതെന്ന് ബിജെപി സാമൂഹ്യ മാധ്യമങ്ങളില് വലിയ പ്രചാരണം നടത്തിയിരുന്നു, ഇതാണ് പൊളിഞ്ഞത്.
തെരഞ്ഞെടുപ്പ് കമ്മീഷന് നല്കുന്ന വിവരം പ്രകാരം, ബിജ്വാസന്, ആദര്ശ് നഗര് എന്നിവിടങ്ങളില് മാത്രമാണ് ബിജെപി 2000 വോട്ടിന് താഴെ തോറ്റത്. ബിജ്വാസനില് ബിജെപി സ്ഥാനാര്ത്ഥി സത് പ്രകാശ് റാണ തോറ്റത് 753വോട്ടിനാണ്. ആദര്ശ് നഗറില് രാജ് കുമാര് ഭാട്ടിയ തോറ്റത് 589വോട്ടിനും.
എഴുപത് സീറ്റുകളില് 62 സീറ്റും നേടി ആം ആദ്മി പാര്ട്ടി മൂന്നാമതും അധികാരത്തിലെത്തിയപ്പോള്, ബിജെപിക്ക് വെറും എട്ട് സീറ്റാണ് ലഭിച്ചത്. കോണ്ഗ്രസ് സംപൂജ്യരായി.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates