ന്യൂഡല്‍ഹി:സ്‌കൂളില്‍ ചേര്‍ന്ന് പഠിക്കാന്‍ പ്രേരണയായ പ്രധാനമന്ത്രി നരേന്ദ്രമോദിക്ക് നന്ദിസൂചകമായി പാട്ട് സമര്‍പ്പിച്ച് ഗുജറാത്തി നാടോടി ഗായിക. ഗുജറാത്തി നാടോടി ഗായിക ഗീതാ റാബറി മോദിയെ സന്ദര്‍ശിച്ചു. തുടര്‍ന്ന് മോദിയോടുളള നന്ദിസൂചകമായി റാബറി പാടിയ നാടോടി ഗാനം സോഷ്യല്‍മീഡിയ ഏറ്റെടുത്തു.
താന്‍ കുട്ടിയായിരുന്നപ്പോഴാണ് മോദിയെ ആദ്യം കണ്ടതെന്ന് ഗീതാ റാബറി മാധ്യമങ്ങളോട് പറഞ്ഞു. സ്‌കൂള്‍ വേദിയില്‍ വച്ച് 250 രൂപ നല്‍കി അദ്ദേഹം അനുമോദിച്ചു. തുടര്‍ന്നും പ്രാക്ടീസ് തുടരാന്‍ ഉപദേശിച്ചാണ് മോദി വേദി വിട്ടതെന്നും ഗീതാ റാബറി ഓര്‍മ്മിക്കുന്നു.
'വനത്തില്‍ താമസിക്കുന്ന മാല്‍ധാരി വിഭാത്തില്‍പ്പെട്ടവരാണ് ഞങ്ങള്‍. പെണ്‍കുട്ടികളുടെ ക്ഷേമം ലക്ഷ്യമിട്ടുളള ബേട്ടി ബച്ചാവോ ബേട്ടി പഠാവോ പദ്ധതിയുടെ പോസ്റ്റ് കാര്‍ഡ് അച്ഛന് ലഭിച്ചു. തുടര്‍ന്ന് അച്ഛന് എന്നെ സ്‌കൂളില്‍ വിട്ടു'- ഗീതാ റാബറി പറയുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates