ന്യൂഡല്‍ഹി: കേരളം ഉള്‍പ്പെടെ ഇടതുപാര്‍ട്ടികള്‍ക്ക് സ്വാധീനമുളള സംസ്ഥാനങ്ങളില്‍ തിരിച്ചടി നേരിടുമ്പോള്‍, തമിഴ്‌നാട്ടില്‍ ഡിഎംകെ മുന്നണിയുടെ ഭാഗമായി തെരഞ്ഞെടുപ്പില്‍ മത്സരിക്കുന്ന ഇടതുപാര്‍ട്ടികള്‍  നാലിടത്ത് മുന്നിട്ടുനില്‍ക്കുന്നു. തിരുപ്പൂരിലും നാഗപട്ടണത്തും സിപിഐ ലീഡ് ചെയ്യുമ്പോള്‍, കോയമ്പത്തൂരിലും മധുരൈയിലുമാണ് സിപിഎം ലീഡ് ഉയര്‍ത്തുന്നത്.

തമിഴ്‌നാടില്‍ ഒന്നടങ്കം ഡിഎംകെ മുനണി തരംഗം സൃഷ്ടിക്കുന്ന കാഴ്ചയാണ് കാണുന്നത്. 39 മണ്ഡലങ്ങളുളള തമിഴ്‌നാട്ടില്‍ 36 ഇടത്താണ് ഡിഎംകെ ലീഡ് ഉയര്‍ത്തുന്നത്. മധുരൈയില്‍ സിപിഎമ്മിന്റെ എസ് വെങ്കിടേഷനാണ് ലീഡ് ഉയര്‍്ത്തുന്നത്. കോയമ്പത്തൂരില്‍ സിപിഎമ്മിന് വേണ്ടി  പി ആര്‍ നടരാജനും മുന്നേറ്റം തുടരുന്നു.

തിരുപ്പൂരില്‍ കെ സുബ്ബരായനാണ് മുന്നിട്ടുനില്‍ക്കുന്നത്. സിപിഐ സ്ഥാനാര്‍ത്ഥിയാണ്. സെല്‍വരാജ് എമ്മാണ് നാഗപട്ടണത്ത് സിപിഐയ്ക്ക് വേണ്ടി ലീഡ് ഉയര്‍ത്തുന്നത്.