ന്യൂഡെല്ഹി: ഉത്തര്പ്രദേശില് യോഗി ആദിത്യനാഥ് സര്ക്കാര് ഒഴിവു ദിവസങ്ങള് വെട്ടിക്കുറച്ചതിനു പിന്നാലെ ഡെല്ഹിയിലും അതേ നടപടി പിന്തുടരാന് ശ്രമം. ആം ആദ്മി സര്ക്കാരിന്റെ ഈ നടപടി ജനങ്ങള് എങ്ങനെയാണ് സ്വീകരിക്കാന് പോകുന്നതെന്ന് അറിയില്ല.
പ്രമുഖരുടെ ജന്മദിനവും ചരമദിനവുമാണ് അവധി ദിവസങ്ങളില് നിന്നും ഒഴിവാക്കുക. യുപി സര്ക്കാരും അങ്ങനെത്തന്നെയാണ് ചെയ്തത്. ഒഴിവാക്കാന് പോകുന്ന ദിവസങ്ങളെപ്പറ്റി വ്യക്തമായ വിവരങ്ങള് കിട്ടിയിട്ടില്ല. യുപിയില് നബിദിനമുള്പ്പെടെയുള്ള 15 അവധി ദിനങ്ങള് റദ്ദാക്കിയിരുന്നു.
ഡല്ഹി ഉപമുഖ്യമന്ത്രി മനീഷ് സിസോദിയ ട്വിറ്ററിലൂടെയാണ് ഇക്കാര്യം അറിയിച്ചത്. ഇത്തരം അനുകരണീയമായ മാതൃകകള് സൃഷ്ടിക്കുന്നതില് ഉത്തര് പ്രദേശ് ഗവണ്മെന്റ് നല്ല തുടക്കമാണ് നടത്തിയതെന്നും യു.പി സര്ക്കാരിന്റെ നല്ല കാര്യങ്ങള് പിന്തുടരാനും ഉള്ക്കൊള്ളാനും എപ്പോഴും സര്ക്കാരും പാര്ട്ടിയും തയ്യാറാണെന്നും സിസോദിയ ട്വീറ്റ് ചെയ്തു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates