ന്യൂഡല്‍ഹി: 'ഞങ്ങള്‍ക്ക് എന്തുകൊണ്ട് ഒരു മെഡിക്കല്‍ കോളജ് അനുവദിക്കുന്നില്ല?' പ്രധാനമന്ത്രിയോട് ചോദ്യവുമായി ലഡാക്കിലെ ബിജെപി എംപി. പാര്‍ലമെന്റിലെ ചോദ്യേത്തരവേളയിലായിരുന്നു ലഡാക്ക് എംപി ജമിയാങ് ടി നംഗ്യാല്‍യുടെ പരാമര്‍ശം.

2018ല്‍ പ്രധാനമന്ത്രി നരേന്ദ്രമോദി ലേ സന്ദര്‍ശനത്തിനിടെ മെഡിക്കല്‍ കോളേജ് പ്രഖ്യാപിച്ചിരുന്നു. ഇതിന് പിന്നാലെ ആശുപത്രി നിര്‍മ്മാണത്തിനായി 200 ഏക്കര്‍ ഭൂമി സ്ഥലം മാറ്റിവെച്ചതായും എന്നാല്‍ പ്രഖ്യാപനം വാക്കുകളില്‍ ഒതുങ്ങുകയാണെന്നും എംപി പറഞ്ഞു.

ലഡാക്കില്‍ ഉന്നത വിദ്യാഭ്യാസത്തിന് വേണ്ടത്ര സൗകര്യങ്ങള്‍ ഇല്ലാത്തതിനാല്‍ 40000 കുട്ടികള്‍ ജമ്മു, ചണ്ഡിഗഡ്, ഡല്‍ഹി, ബാംഗ്ലൂര്‍ തുടങ്ങിയ നഗരങ്ങളെ ആശ്രയിക്കുകയാണ്. ഇതിനെ തുടര്‍ന്ന് ഞങ്ങക്ക് സാമ്പത്തിക ന്ഷ്ടവും സാംസ്‌കാരിക നഷ്ടവും ഉണ്ടാകുന്നു. ആയതിനാല്‍
ലേയ്ക്ക് ഒരു മെഡിക്കല്‍ കോളജ് അനുവദിക്കണമെന്നും പ്രധാനമന്ത്രിയുടെ പ്രഖ്യാപനം എത്രയും വേഗം നിറവേറ്റണമെന്നും ആരോഗ്യമന്ത്രിയോട് അഭ്യര്‍ത്ഥിക്കുന്നതായും എംപി പാര്‍ലമെന്റില്‍ അഭിപ്രായപ്പെട്ടു