മുംബൈ: ഏപ്രില്‍ ഒന്ന് മുതല്‍ എസ്ബിഐയില്‍ അഞ്ച് അസോസിയേറ്റ് ബാങ്കുകള്‍ ലയിപ്പിക്കുന്ന നടപടി നിലവില്‍ വരും. ബന്ധപ്പെട്ട അസോസിയേറ്റ് ബാങ്കുകളെല്ലാം ഇനി എസ്ബിഐ എന്ന പേരിലാണ് അറിയപ്പെടുക. ഈ ബാങ്കുകളുടെ ഇടപാടുകാര് എസ്ബിഐയുടെയും ഇടപാടുകാരാവും. 

സ്റ്റേറ്റ് ബാങ്ക് ഓഫ് ട്രാവന്‍കൂര്‍, സ്റ്റേറ്റ് ബാങ്ക് ഓഫ് ബിക്കാനിര്‍ ആന്‍ഡ് ജയ്പൂര്‍, സ്റ്റേറ്റ് ബാങ്ക് ഓഫ് ഹൈദരാബാദ്, സ്റ്റേറ്റ് ബാങ്ക് ഓഫ് പട്യാല, സ്റ്റേറ്റ് ബാങ്ക് ഓഫ് മൈസൂര്‍ എന്നിവയുടെ ശാഖകളാണ് എസ്ബിഐയില്‍ ലയിക്കുന്നത്. 

ഇതോടെ എസ്ബിഐയുടെ ആസ്തി 37 ലക്ഷം കോടിയാവും. 50 കോടിയിലധികം ഉപഭോക്താക്കളും ഇതുവഴിയുണ്ടാകും. 36 രാജ്യങ്ങളിലായി വ്യാപിച്ചു കിടക്കുന്നതാണ് എസ്ബിഐക്ക് വിദേശത്ത് 191 ഓഫിസുകളാണുള്ളത്.