മംഗളൂരു: ലോക്ക്ഡൗണിനിടെ മദ്യ വില്‍പ്പനശാല കുത്തിക്കുറന്ന് ഒരു ലക്ഷം രൂപയുടെ മദ്യം മോഷ്ടിച്ചു. മം​ഗളൂരുവിലാണ് സംഭവം. ഉള്ളാലിലുള്ള മദ്യ വില്‍പ്പനശാലയിലാണ് മോഷണം നടന്നതെന്ന്  പൊലീസ് വ്യക്തമാക്കി.

മോഷ്ടാക്കള്‍ കടയുടെ ഷട്ടര്‍ തകര്‍ത്താണ് അകത്ത് കടന്നത്. വില കൂടിയ ബ്രാന്‍ഡുകളും വില കുറഞ്ഞ ബ്രാന്‍ഡുകളും ഒരുപോലെ കള്ളന്മാര്‍ കൊണ്ടുപോയി. ലോക്ക്ഡൗണ്‍ പ്രഖ്യാപിച്ചതിനെ തുടര്‍ന്ന് ഇവിടെ സമ്പൂര്‍ണ മദ്യ നിരോധനമായിരുന്നു.

തെളിവ് നശിപ്പിക്കാനായി കടയിലെ സിസിടിവി റെക്കോർഡറും കള്ളന്മാര്‍ കൊണ്ടുപോയി. അടുത്ത കടയില്‍ കയറി പത്ത് പാക്കറ്റ് സിഗരറ്റും അടിച്ചുമാറ്റിയ ശേഷമാണ് കള്ളന്മാര്‍ കടന്നുകളഞ്ഞത്.