ജയ്പൂര്‍: വീട്ടുകാരുടെ സമ്മതമില്ലാതെ 'ഒളിച്ചോടി' വിവാഹിതരാവുന്നവര്‍ക്കായി 'സുരക്ഷാ വീടുകള്‍' ഒരുക്കുമെന്ന് രാജസ്ഥാന്‍ പൊലീസ്.  ഹൈക്കോടതിയുടെ നിര്‍ദ്ദേശപ്രകാരമാണ് പൊലീസ് സുരക്ഷിത ഭവനങ്ങള്‍ തയ്യാറാക്കുന്നത്. 

പ്രണയം വിവാഹത്തിലേക്ക് എത്തുമ്പോള്‍ പലപ്പോഴും വീട്ടുകാരില്‍ നിന്നും എതിര്‍പ്പുകള്‍ ഉണ്ടാവാറുണ്ട്. ദുരഭിമാനക്കൊലപാതകങ്ങള്‍ക്കും ഇത് കാരണമാകുന്നതിനെ തുടര്‍ന്നാണ് സുരക്ഷ നല്‍കാന്‍ പൊലീസ് തീരുമാനം എടുത്തത്. വിവാഹത്തിന് വീട്ടുകാരുടെ പിന്തുണ ലഭിക്കാതെ വന്നാലോ, മറ്റ് ഭീഷണികള്‍ നേരിട്ടാലോ ഹെല്‍പ് ലൈന്‍ നമ്പറില്‍ ബന്ധപ്പെടാമെന്നും പൊലീസ് എഡിജിപി വ്യക്തമാക്കിയിട്ടുണ്ട്.