ചെന്നൈ:രജനീകാന്ത് രാഷ്ട്രീയത്തിലിറങ്ങുന്നതിനെതിരെ തീവ്ര തമിഴ് സംഘടനയായ തമിഴ് മുന്നേറ്റ പടയുടെ പ്രതിഷേധം. കന്നഡിഗനായ രജനീകാന്ത് തമിഴ് രാഷ്ട്രീയത്തില്‍ പ്രവേശിക്കുന്നതിനെതിരെയാണു പ്രതിഷേധം. പ്രതിഷേധക്കാര്‍ താരത്തിന്റെ കോലം കത്തിച്ചു. സംഘടനാ നേതാവ് വീരലക്ഷ്മിയും മുപ്പത്തിയഞ്ചോളം പ്രവര്‍ത്തകരുമാണു പ്രതിഷേധവുമായെത്തിയത്.

കഴിഞ്ഞ കുറച്ചു ദിവസമായി രജനീകാന്ത് രാഷ്ട്രീയത്തില്‍ ഇറങ്ങുന്നതിന്റെ ചര്‍ച്ചകളാണ് തമിഴ്‌നാട്ടില്‍ കാര്യമായി നടക്കുന്നത്. രാഷ്ട്രീയത്തിലിറങ്ങും എന്നതിനെപ്പറ്റി താരം ആരാധകരുമായി നടന്ന കൂടിക്കാഴ്ചയില്‍ വ്യക്തമായ സൂചനകള്‍ നല്‍കിയിരുന്നു. രജനീകാന്തിനെ ബിജെപിയിലേക്ക് അടുപ്പിക്കാനും വ്യക്തമായ ശ്രമങ്ങള്‍ നടന്നുവരുന്നു. അതിനിടിലാണ തമിഴ് ദേശീയത ഉയര്‍ത്തുന്ന സംഘടനയുടെ പ്രതിഷേധ പ്രകടനം വന്നിരിക്കുന്നത്.