ബം​ഗളൂരു: മം​ഗളൂരുവിൽ മരിച്ചത് നൂറു കണക്കിനാളുകളെ കൊല്ലാന്‍ ശ്രമിച്ചവരാണെന്നും കല്ലിന് കല്ലും, തോക്കിനു തോക്കുമാണ് മറുപടിയെന്നും ബിജെപി ദേശീയ സെക്രട്ടറി എച്ച് രാജ. മംഗളൂരു പൊലീസ് വെടിവയ്പ്പിനെ ന്യായീകരിച്ചാണ് എച്ച് രാജ ഇക്കാര്യം പറഞ്ഞത്.

കലാപത്തിന് ശ്രമിച്ചവർക്ക് നേരെയാണ് പൊലീസിന്‍റെ നടപടി. നൂറു കണക്കിന് പേരെ കൊല്ലാൻ ലക്ഷ്യം വച്ചവരാണ് മരിച്ചത്. പൊലീസിന് മുന്നില്‍ മറ്റ് വഴികൾ ഉണ്ടായിരുന്നില്ലെന്നും അദ്ദേഹം വ്യക്തമാക്കി.

പൗരത്വ നിയമ ഭേദഗതിക്കെതിരെ മംഗളൂരുവിൽ നടന്ന പ്രതിഷേധത്തില്‍ ഉണ്ടായ പൊലീസ് വെടിവെപ്പില്‍ രണ്ട് പേരാണ് കൊല്ലപ്പെട്ടത്. ജലീൽ, നൗഷീൻ എന്നിവരാണ്  കൊല്ലപ്പെട്ടത്. പ്രതിഷേധക്കാര്‍ക്ക് നേരെ പൊലീസ് വെടിവെയ്പ്പ് നടത്തുന്ന ദൃശ്യങ്ങൾ പുറത്തു വന്നിരുന്നു. റബര്‍ ബുള്ളറ്റാണ് പ്രയോഗിച്ചതെന്നായിരുന്നു പൊലീസ് നേരത്തെ നല്‍കിയ വിശദീകരണം.