ചെന്നൈ: കശ്മീരില്‍ ജനഹിത പരിശോധന നടത്താന്‍ സര്‍ക്കാര്‍ തയ്യാറാവണമെന്ന് തമിഴ് സൂപ്പര്‍ താരവും മക്കള്‍ നീതി മയ്യം നേതാവുമായ കമല്‍ഹാസന്‍. ഇന്ത്യാ ഗവണ്‍മെന്റ് ജനഹിത പരിശോധന നടത്തുന്നതില്‍ ആരെയാണ് ഭയക്കുന്നതെന്നും അദ്ദേഹം ചോദിച്ചു.

 സൈനികര്‍ എങ്ങനെയാണ് കൊല്ലപ്പെട്ടത്? രാജ്യത്തിന്റെ കാവല്‍ക്കാരെ എങ്ങനെയാണ് നഷ്ടമായതെന്ന ചോദ്യത്തിന് ഉത്തരം ലഭിക്കേണ്ടതുണ്ട്. ഇന്ത്യയിലും പാകിസ്ഥാനിലും ഉള്ള രാഷ്ട്രീയക്കാര്‍ മാന്യമായി പെരുമാറിയിരുന്നുവെങ്കില്‍ ഈ കൂട്ടക്കൊല ഉണ്ടാകുമായിരുന്നില്ല. അതിര്‍ത്തിയിലെ നിയന്ത്രണം എപ്പോഴും കയ്യിലുണ്ടാവണമെന്നും അദ്ദേഹം ആവശ്യപ്പെട്ടു.