ശ്രീനഗര്‍: ജമ്മുകശ്മീരില്‍ പലഭാഗത്തും ഹിമപാതം കനക്കുന്നതായി റിപ്പോര്‍ട്ടുകള്‍.ദവറിലെ സൈനിക ക്യാമ്പടക്കമുള്ള കെട്ടിടങ്ങളാണ് ഹിമപാതത്തില്‍ തകര്‍ന്നത്. ആളപായം റിപ്പോര്‍ട്ട് ചെയ്തിട്ടില്ല. സൈനികരെയും ഖണ്ഡിയാല്‍ ഗ്രാമവാസികളെയും സുരക്ഷിത സ്ഥാനങ്ങളിലേക്ക് മാറ്റിയതായി പൊലീസ് അറിയിച്ചു. 

18 വീടുകള്‍ പൂര്‍ണമായും 28 വീടുകള്‍ ഭാഗികമായും തകര്‍ന്നു. പ്രത്യേക രക്ഷാസേന പ്രദേശത്ത് ക്യാമ്പ് ചെയ്യുന്നുണ്ടെന്ന് സര്‍ക്കാര്‍ വ്യക്തമാക്കി.
അടുത്തയിടെ ഹിമപാതത്തെ തുടര്‍ന്ന് നാല് പേര്‍ മരിക്കുകയും ആറ് പേരെ കാണാതാവുകയും ചെയ്തിരുന്നു. പലപ്പോഴും വാഹനങ്ങള്‍ മഞ്ഞുവീഴ്ചയില്‍ പെട്ടുപോകാറുണ്ടെന്നും സുരക്ഷാ സേന പറയുന്നു.