ശ്രീനഗര്‍: കശ്മീരില്‍ ഹിസ്ബുള്‍ മജാഹിദ്ദീന്‍ ഭീകരനെ സുരക്ഷാ സേന പിടികൂടി. ജമ്മുവിലെ ദോഡ ജില്ലയില്‍ വച്ചാണ് ഇയാളെ സുരക്ഷാ സേന അറസ്റ്റ് ചെയ്തത്. ഹിസ്ബുള്‍ മുജാഹിദ്ദീന്‍ ഭീകരനായ റാഖിബ്ആലം ആണ് അറസ്റ്റിലായത്. 

ഇയാളെ അറസ്റ്റ് ചെയ്തതിന് പിന്നാലെ ശിവ ഗ്രാമത്തില്‍ നിന്ന് ഒരു പിസ്റ്റളും ഒരു വയര്‍ലെസും ജമ്മു കശ്മീര്‍ പൊലീസ് കണ്ടെടുത്തു. റാഖിബ് വെളിപ്പെടുത്തിയതിനെ തുടര്‍ന്നായിരുന്നു പൊലീസ് ഇവ കണ്ടെത്തിയത്.

മുജാഹിദ്ദീന്‍ നേതാവായ റിയാസ് നായ്കൂവിനെ ഇന്നലെ സുരക്ഷാ സേന വധിച്ചിരുന്നു. അവന്തിപോരയില്‍ നടന്ന ഏറ്റുമുട്ടലിലാണ് റിയാസിനെ വധിച്ചത്. ഇതിന് പിന്നാലെയാണ് റാഖിബിനെ പിടികൂടിയത്.