മോസ്കോ: കശ്മീർ സ്വന്തമാക്കി പാകിസ്ഥാൻ കൃത്രിമ ഭൂപടം പ്രദർശിപ്പിച്ചതിനെത്തുടർന്ന് ഷാങ്ഹായ് സഹകരണ സംഘടനയുടെ യോഗത്തിൽ നിന്ന് ഇന്ത്യ ഇറങ്ങിപ്പോയി. എസ്.സി.ഒയുടെ വെർച്ച്വൽ യോഗമാണ് ഇന്ത്യൻ പ്രതിനിധി ബഹിഷ്കരിച്ചത്.

ഷാങ്ഹായി സഹകരണ സംഘടനയുടെ അംഗരാജ്യങ്ങളിൽ നിന്നുള്ള ദേശീയ സുരക്ഷാ ഉപദേഷ്ടാക്കളാണ് യോ​ഗത്തിൽ പങ്കെടുത്തത്. തെറ്റിദ്ധാരണ പരത്തുന്ന മാപ്പ് പ്രദർശിപ്പിച്ചതിന് പിന്നാലെയാണ് യോഗത്തിൽ നിന്ന് അജിത് ഡോവൽ ഇറങ്ങിപ്പോയത്.

ഇന്ത്യ പ്രതിഷേധം അറിയിച്ചതിനെ തുടർന്ന് പാകിസ്താന്റെ നീക്കത്തെ തള്ളിപ്പറഞ്ഞ് യോഗത്തിന്റെ അധ്യക്ഷനായ റഷ്യ നിലപാടെടുത്തു. പാകിസ്താന്റെ നിലപാട് ഇന്ത്യ യോഗത്തിൽ പങ്കെടുക്കുന്നതിനെ ബാധിക്കില്ലെന്ന് പ്രത്യാശിക്കുന്നുവെന്നും റഷ്യൻ ദേശീയ സുരക്ഷാ കൗൺസിൽ സെക്രട്ടറി നികോളായ് പത്രുഷെവ് പ്രതികരിച്ചു.