ഗുവാഹത്തി: കസേരയെ ചൊല്ലിയുളള തര്‍ക്കത്തിന് ഒടുവില്‍ 26കാരനെ കുത്തിക്കൊന്നു. സംഭവത്തില്‍ അഞ്ചുപേരെ പൊലീസ് അറസ്റ്റ് ചെയ്തു.

അസമിലെ ഗുവാഹത്തിയിലാണ് സംഭവം. കടയിലെ ജീവനക്കാരനായ റിതുപര്‍ണ പെഗുവാണ് കൊല്ലപ്പെട്ടത്. കടയിലെ കസരേയെ ചൊല്ലിയുളള തര്‍ക്കമാണ് കൊലപാതകത്തില്‍ കലാശിച്ചതെന്ന് പൊലീസ് പറയുന്നു. കസേരയെ ചൊല്ലി കടയിലെ തന്നെ മറ്റൊരു ജീവനക്കാരനുമായി റിതുപര്‍ണ തര്‍ക്കത്തില്‍ ഏര്‍പ്പെട്ടു. അതിനിടെ പ്രകോപിതനായ മറ്റൊരാള്‍ റിതുപര്‍ണയെ കത്തിയെടുത്ത് കുത്തുകയായിരുന്നു.

ആക്രമണത്തിന്റെ ആഘാതത്തില്‍ റോഡരികിലേക്ക് വീണ റിതുപര്‍ണയെ ഉടന്‍ തന്നെ ആശുപത്രിയിലേക്ക് കൊണ്ടുപോയെങ്കിലും ജീവന്‍ രക്ഷിക്കാനായില്ല. സംഭവവുമായി ബന്ധപ്പെട്ട് കടയുടമ ഉള്‍പ്പെടെ അഞ്ചുപേരെ പൊലീസ്് അറസ്റ്റ്  ചെയ്തു.