പൂനെ: നാലുവയസ്സുകാരിയെ കൊന്ന കേസില്‍ മാതാവ് അറസ്റ്റില്‍. മഹാരാഷ്ട്രയിലെ പൂനെയില്‍ കഴിഞ്ഞ 27നാണ് കൊലപാതകം നടന്നത്. കുട്ടി വികൃതി കാണിച്ചതിനാലാണ് താന്‍ കൊലപാതകം നടത്തിയതെന്ന് ഇവര്‍ ഭര്‍ത്താവിനോട് പറഞ്ഞു. 22കാരിയായ സവിത ദീപക് കാക്കഡെയാണ് അറസ്റ്റിലായത്.

തല ചുമരില്‍ ഇടിച്ചും കഴുത്ത് ഞെരിച്ചുമാണ് ഇവര്‍ കുഞ്ഞിനെ ക്രൂരമായി കൊലപ്പെടുത്തിയത്. മൊബൈല്‍ റീചാര്‍ജറിന്റെ വയര്‍ ഉപയോഗിച്ചാണ് കുഞ്ഞിന്റെ കഴുത്ത് ഞെരിച്ചത്. കുഞ്ഞിന്റെ അമ്മൂമ്മയുടെ മരണാനന്തര ചടങ്ങുകള്‍ക്ക് വേണ്ടി കുടുംബാംഗങ്ങള്‍ പോയ സമയത്തായിരുന്നു കൊലപാതകം.