പ്രളയക്കെടുതിയിലാണ് ഗുജറാത്ത്. കനത്ത മഴയില്‍ വലിയ നാശനഷ്ടമാണ് റിപ്പോര്‍ട്ട് ചെയ്യുന്നത്. പുഴകള്‍ നിറഞ്ഞൊഴുകുകയാണ്. ഗതാഗതം തടസ്സപ്പെടുത്തി റോഡുകളും പാലങ്ങളും മുങ്ങി. മുങ്ങിയ റോഡില്‍ കുടുങ്ങിപ്പോയ ഒരു ബസിനെ റോപ്പ് കെട്ടി വലിച്ച് കയറ്റുന്ന ദൃശ്യം പുറത്തുവന്നിട്ടുണ്ട്.

ദ്വാരകയിലാണ് സംഭവം നടന്നത്. റോഡേത് പുഴയേത് എന്നറിയാത്ത തരത്തിലാണ് വെള്ളം ഒഴുകിപ്പോകുന്നത്. വലിയ പ്രയത്‌നത്തിന് ശേഷമാണ് ബസ് കരയിലെത്തിച്ചത്.