ന്യൂഡല്ഹി: കുറഞ്ഞ വിനിമയ നിരക്കില് ഡോളര് തരപ്പെടുത്തി നല്കാമെന്ന് വാഗ്ദാനം നല്കി യുവാവിനെ കബളിപ്പിച്ച ദമ്പതികള് അറസ്റ്റില്. 24 വയസ്സുളള യുവാവും ഭാര്യയുമാണ് ഡല്ഹി പൊലീസിന്റെ പിടിയിലായത്.
ഡല്ഹിയിലെ ലക്ഷ്മി നഗര് പൊലീസ് സ്റ്റേഷന് പരിധിയിലാണ് സംഭവം. ഗാസിയബാദില് താമസിക്കുന്ന ഷഹബാസിനെയും 22 വയസുളള ഭാര്യയെയുമാണ് ഡല്ഹി പൊലീസ് അറസ്റ്റ് ചെയ്തത്. ഓഗസ്റ്റ് നാലിനാണ് പണം തട്ടിയെന്ന് പറഞ്ഞ് യുവാവ് പൊലീസ് സ്റ്റേഷനില് പരാതി നല്കിയത്.
സ്ത്രീ ഉള്പ്പെടെ ചില അജ്ഞാതര് ചേര്ന്ന്് നാലുലക്ഷം രൂപ തട്ടിയെന്നാണ് പരാതിയില് പറയുന്നത്. കുറഞ്ഞ വിനിമയനിരക്കില് ഡോളര് തരപ്പെടുത്തി നല്കാമെന്ന് പറഞ്ഞായിരുന്നു തട്ടിപ്പ്. പരാതിയിന്മേല് റെയ്ഡ് നടത്തിയതിന് ശേഷമാണ് ഇവരെ പിടികൂടിയത്. തട്ടിപ്പിലൂടെ സമാഹരിച്ച പണം ഉപയോഗിച്ച് വാങ്ങിയ ബൈക്ക് പൊലീസ് പിടിച്ചെടുത്തു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates