ഉത്തരാഖണ്ഡിലെ കേദര്‍നാഥ് ക്ഷേത്രത്തിലേക്കുളള തീര്‍ത്ഥ യാത്രയെ കുറിച്ച് ഓര്‍ക്കുമ്പോള്‍ തന്നെ ഒരു സാഹസികതയാണ് മനസിലേക്ക് ഓടിയെത്തുക. അടിവാരത്തില്‍ നിന്ന് കിലോമീറ്ററുകള്‍ നടന്നുവേണം മുകളില്‍ എത്താന്‍. ദുര്‍ഘടമായ പാതയിലൂടെയുളള യാത്ര, സാഹസികത ഇഷ്ടപ്പെടുന്നവര്‍ക്ക് ഒരിക്കലും മറക്കാന്‍ പറ്റാത്ത അനുഭൂതിയാണ്. ഇപ്പോള്‍ ഉത്തരാഖണ്ഡ് കേദര്‍നാഥ് ക്ഷേത്രത്തിലെ പടിക്കെട്ടുകള്‍ ഓടിച്ചു കയറ്റുന്ന ട്രാക്ടറിന്റെ വീഡിയോയാണ് വ്യാപകമായി പ്രചരിക്കുന്നത്.

സുശാന്ത നന്ദ ഐഫ്എസാണ് വീഡിയോ പങ്കുവെച്ചത്. ഹിമാലയന്‍ ക്ഷേത്രത്തില്‍ ഇപ്പോള്‍ നിര്‍മ്മാണ് പ്രവര്‍ത്തനങ്ങള്‍ നടന്നുവരികയാണ്. നിര്‍മ്മാണാവശ്യത്തിനായി ട്രാക്ടര്‍ ഓടിച്ചു കയറ്റുന്നതാണ് വീഡിയോയില്‍ ഉളളത്. ട്രാക്ടറില്‍ ആറോളം ആളുകള്‍ ഇരിക്കുന്നതും കാണാം. കുത്തനെയുളള പടിക്കെട്ടുകളാണ് ട്രാക്ടര്‍ ഓടിച്ചു കയറ്റിയത്. ട്രാക്ടറില്‍ നിര്‍മ്മാണാവശ്യത്തിനായ സാധനസാമഗ്രികള്‍ അടങ്ങുന്ന ലോഡും ഉണ്ട്.