അഹമ്മദാബാദ് : ഗുജറാത്ത് തെരഞ്ഞെടുപ്പില്‍ കോണ്‍ഗ്രസുമായി സഖ്യം ചേരില്ലെന്ന് ദളിത് നേതാവ് ജിഗ്നേഷ് മേവാനി. ഒരു രാഷ്ട്രീയ പാര്‍ട്ടിയിലും ചേരില്ലെന്ന് ആവര്‍ത്തിച്ച മേവാനി , ബിജെപിയെ താഴെയിറക്കാന്‍ ആവശ്യമായതെല്ലാം ചെയ്യുമെന്നും കൂട്ടിച്ചേര്‍ത്തു. 
ഞാന്‍ ഒരു രാഷ്ട്രീയ പാര്‍ട്ടിയിലും ചേരില്ല. എക്‌സ് , വൈ പാര്‍ട്ടികള്‍ക്ക് വോട്ടു ചെയ്യണമെന്നോ ചെയ്യരുതെന്നോ പറയില്ല. എന്നാല്‍ ഭരണഘടനാ വിരുദ്ധമായ, ദളിത് വിരുദ്ധമായ , കര്‍ഷക വിരുദ്ധമായ ബിജെപി ഭരണം അവസാനിപ്പിക്കാന്‍ താന്‍ എന്തും ചെയ്യുമെന്ന് മേവാനി പറഞ്ഞു. സാധാരണക്കാര്‍ക്ക് വേണ്ടി വാദിക്കുന്നവര്‍ ഒരിക്കലും ബിജെപി ജയിക്കാന്‍ അനുവദിക്കില്ലെന്നും മേവാനി കൂട്ടിച്ചേര്‍ത്തു