ന്യുഡല്‍ഹി: കന്നുകാലി കര്‍ഷകരില്‍ നിന്ന് ഗോമൂത്രം ലിറ്ററിന് പത്തുരൂപ നിരക്കില്‍ ശേഖരിക്കണമെന്ന് ഛത്തീസ്ഗഢ് സര്‍ക്കാരിനോട് ഔദ്യോഗിക സമിതിയായ ഗോസേവാ ആയോഗ്. 

കറവ വറ്റിയ കന്നുകാലികളെ കര്‍ഷകര്‍ ഉപേക്ഷിക്കുന്നതും ഭക്ഷണവും വെള്ളവും നല്‍കാതിരിക്കുന്നതും സംസ്ഥാനത്ത് സ്ഥിരമാണ്. ഇത് അവസാനിപ്പിക്കാന്‍ സര്‍ക്കാര്‍ ഗോമൂത്രം ശേഖരിച്ച് കര്‍ഷകരെ സഹായിക്കണമെന്നാണ് ഗോസേവാ ആയോഗിന്റെ ആവശ്യം. ശേഖരിക്കുന്ന ഗോമൂത്രം രാസവളം,കീടനാശിനി തുടങ്ങിയവ വികസിപ്പിച്ചെടുക്കാനും ഗവേഷണങ്ങള്‍ക്കും ഉപയോഗിക്കാം എന്ന് ആയോഗ് ചെയര്‍മാന്‍ വിശേശ്വര്‍ പട്ടേല്‍ പറഞ്ഞു. 

ദിവസങ്ങള്‍ക്ക് മുമ്പ് ഛത്തീസ്ഗഢില്‍ ബിജെപി നേതാവിന്റെ ഗോശാലയില്‍ ഭക്ഷണവും വെള്ളവും കിട്ടാതെ പശുക്കള്‍ ചത്തിരുന്നു. പണം നല്‍കി ഗോമൂത്രം സ്വീകരിക്കുന്നതിലൂടെ ഇത്തരം പ്രശ്‌നങ്ങള്‍ അവനസാനിക്കുമെന്നാണ് ആയോഗിന്റെ കണ്ടെത്തല്‍.